影相認卡，先核對版本資料
影張卡牌正面相，AI 協助識別卡名、系列、編號同稀有度。店員應先核對識別結果同客人手上張卡，特別係不同語言、版本或者相似卡面。認卡資料用嚟加快查找，實際品相同貨品仍然由店員確認。
參考 Cardmarket、TCGplayer 卡牌市價
系統參考 Cardmarket 同 TCGplayer 嘅市場價格，再換算港幣，方便香港店員比較報價。海外市場同本地成交價可能有差異，店主可以連同需求、品相同手上庫存判斷，唔需要逐個網站搜尋再自己換算。
按店舖利潤設定計建議收購價
卡牌回收要預留成本同利潤。CardKura 按店舖設定，用市場參考價計算建議收購價，店員再根據現貨狀態同交易情況調整。最終收購價由你話事，AI 建議唔會取代驗卡、品相判斷或者店主確認。
估價接續回收同寄賣流程
確認估價後，可以接續開回收單或者寄賣記錄，集中跟進收貨同之後嘅商品管理。網店客人亦可以自行影相提交估價申請，資料返到後台收件箱，店員核對後再報價，方便門市同網上查詢用返同一個流程。
常見問題
- AI 卡牌估價係咪保證成交價？
- 唔係。AI 提供識別結果、市場參考同建議收購價，唔同市場、版本、品相同需求都會影響實際價格。店員要核對卡牌資料同現貨，最後由店舖確認報價。
- 店舖冇賣過嗰張卡，可唔可以用 AI 認卡？
- 可以。AI 由卡面識別卡牌，唔需要店舖預先有同款庫存。收到結果後仍然要核對系列、編號、語言同版本，再決定回收或者寄賣安排。