掃碼開單，揀返正確卡牌同品相
商品有條碼就用條碼槍掃入單；冇條碼槍，可以用 iPad 或手機鏡頭。單卡、鑑定卡、卡包同原盒喺同一張單處理，收款前核對數量同售價。冇原廠條碼嘅貨品亦可以由系統派碼，再印標籤，方便下一次收銀同盤點。
會員積分、優惠同分單付款
開單時加入會員，按店舖設定計算會員優惠同積分；客人需要分單付款，亦可以喺 POS 處理。CardKura 配合香港卡舖日常收款流程，訂單會保留付款記錄，退款時有原單可查，方便店員同店主對數。
門市收銀同網店共用庫存
POS 同品牌網店讀同一套卡牌庫存。門市賣出後，網上可售數量會跟住更新，唔使再人手改另一張 Excel。尤其係得一張嘅高價單卡或鑑定卡，店員可以集中喺系統核對現貨，再處理門市同網上訂單。
交更錢箱同銷售記錄
每張收銀單會留下銷售同付款記錄，交更時可以核對錢箱應有金額同實際金額。店主喺後台睇返每日銷售、員工經手訂單同庫存變化，唔需要等收舖先逐張紙單加數。多分店亦可以分開管理各自收銀同庫存。
常見問題
- 卡鋪系統同一般收銀系統有咩分別？
- 卡鋪除咗收銀，仲要分清卡牌語言、版本、品相同鑑定級別，並處理回收、寄賣、預售訂金。CardKura 將呢啲卡舖日常流程同 POS、庫存、會員及網店放喺同一套系統，方便店員核對實物同跟進訂單。
- 卡店用 iPad 做 POS，要唔要買專用收銀機？
- 唔一定。CardKura 用瀏覽器運行，現有電腦、iPad 或手機都可以用。條碼槍、標籤打印機同收據打印機按店舖需要另配；我哋可以協助選購，設備另行報價。
- 點樣開始試用卡店 POS？
- 可以由官網申請免費試用 30 日，講低店舖現時用緊嘅設備、商品種類同所需功能。我哋會協助安排示範同開店設定，收費按你需要嘅功能報價。